На турнирот во Карлсбад во Калифорнија што почнува на 29 јули ќе се појави и поранешната најдобра тенисерка на светот Мартина Хингис.
Швајцаркарата ќе настапува во игра на двојки и тоа ќе биде нејзин прв настап на ВТА турнир по повлекувањето во 2007 година.
– Физички сум подготвена, а натпреварувачкиот дух никогаш не ме напушти, изјави Хингис за медиумите. Триесет и три годишната тенисерка во кариерата има освоено 43 титули во поединечна конкуренција и 37 во игра на двојки.
Пред десетина дена Швајцарката беше примена и во „Куќата на славните“.