Романската тенисерка Симона Халеп направи големо изненадување откако во меч од 2.коло од црвената група на Мастерсот ја победи најдобрата свестка тенисерка Серена Вилијамс со 2:0 во сетови. Притоа Вилијамс освои само два гема во вториот сет.
Мечот кој траеше 65 минути, Халеп го доби со 6:0 и 6:2 во гемови.
Вилијамс имаше вкупно 36 неизнудени грешки, а Халеп само 12. Двете тенисерки имаа по 6 брејк можности, Халеп искористи пет, а Вилијамс ниту една.
Со овој пораз прекината е серијата од 15 победи на Серена Вилијамс на завршниот турнир кај жените, а притоа таа последен пат само два гема освои во февруари 1998 година.
Во вториот меч од групата играат Ана Ивановиќ и Ежени Бушар.
Халеп има две победи од два меча, а Вилијамс остана со една победа од 1.коло над Ивановиќ.