Македонскиот тенисер Димитар Грабул не успеа да се пласира во финалето на фјучрсот во Хеист, Белгија откако во полуфиналето загуби од домашниот тенисер Жулиен Кањина со 2:1 во сетови.
Грабул го доби првиот сет со 6:4, но противникот врати со иста мерка добивајќи го вториот сет. Во решавачкиот трет сет беше 6:3 за белгискиот тенисер.
Македонецот продолжува со настапите на фјучрс турнирите во Белгија в понеделник кога ќе биде дел од играчите на турнирот во Остенде.