Македонскиот тенисер Димитар Грабул го има најдобриот ранг во својата кариера и се наоѓа на 706.место на АТП листата.
На новото рангирање му беа впишани 18-те поени добиени за победата на фјучрсот во Белгија минатата недела и има скок од 293 позиции.
Грабул сега има 27 поени.
Од другите македонски тенисери Томислав Јотовски е на 1.065 место со 8 поени, Шендрит Деари (1.387 место), Данил Зеленков (1.854 место) и Стефан Мицов (1.926 место).
На врвот во ТОП 10 нема промени. Редоследот е: Новак Ѓоковиќ, Енди Мареј, Давид Ферер, Рафаел Надал, Рожер Федерер, Томаш Бердих, Хуан Мартин Дел Потро, Жо – Вилфред Цонга, Ришар Гаске и Станислав Вавринка.