Македонскиот тенисер Димитар Грабул не успеа да ја мине првата пречка на фјучрс турнирот во Грас, Франција, што се игра за награден фонд од 15 илјади долари.
Денеска во меч од првото коло најдобриот македонски тенисер Грабул загуби од Французинот Жулиен Обри со 2:1 во сетови.
Првиот сет со 6:0 во гемови му припадна на домашниот тенисер, а потоа во вториот, Грабул беше подобар со 7:6, добивајќи го тај-брекот со 9:7 на поени. Во решавачкиот сет Обри беше поуспешен со 6:3 во гемови.
Францускиот тенисер е рангиран како седми носител на турнирот, а го освои претходниот фјучрс што заврши во неделата во Анже.