Најдобриот тенисер на светот, Новак Ѓоковиќ неочекувано рано го заврши настапот на Местерсот во Мадрид во второто коло, а покрај поразот тој во Шпанија мораше да се „бори“ и со публиката.
Ѓоковиќ загуби од Григор Димитров во три сета, а публиката во текот на целиот натпревар го исвиркуваше Србинот.
-Во првиот сет кога и да погледнев каде падна топчето, ми свиреа. Не ја гледам причината за тоа, ништо лошо не направив-изјави Ѓоковиќ.
Публиката беше незадоволна и кога Србинот побара медицинска пауза.
-До сабота не знаев дали ќе играм поради повредениот зглоб. Ништо не се случи кога се лизнав, но бев добро заштитен, тоа е единствената добра работа, што не ја влошив повредата пред Рим и Париз. Не се подготвив добро, не барам оправдување, беше подобар играч и му честитам-нагласи првиот светски тенисер.
Елена Георгиевска