Светската фудбалска асоцијација (ФИФА) ја разгледува опцијата да дозволи четврта измена на фудбалските натпревари на кои се играат дополнителни 30 минути.
– Тоа е добра идеја. Често гледаме како играчите во продолженијата се мачат со грчеви, а во некои случаи играат и повредени поради веќе искористеното право на три замени. Резервните играчи внесуваат свежина, а скоро една четвртина од головите на Мундијалот во Бразил беа постигнати во последните 15 минути, изјави Жерар Улие, член на Техничката студиска група при ФИФА.
Ваков предлог имаше и порано, но тогаш не доби зелено светло до ФИФА.
На Светското првенство кое е во тек во Бразил на дури пет од осумте натпревари во 1/8финалната фаза се играа продолженија.