Швајцарскиот тенисер Рожер Федерер успеа да се пласира во финалето на Мастерс турнирот во Рим откако синоќа во полуфиналето го победи сонародникот Стан Вавринка со 2:0 во сетови.
Првиот сет Федерер го доби со 6:4 во гемови, а во вториот сет беше 6:2 и притоа публиката беше незадоволна бидејќи Вавринка не прикажа поголем отпор.
Во финалето Федерер ќе игра против Новак Ѓоковиќ. Ова ќе биде нивни 39-ти меч, при што Федерер води со 20-18 во победи. Ѓоковиќ има три турнирски победи во Рим, додека Федерер ќе го игра своето четврто финале и нема триумф на овој турнир.
Ѓоковиќ во полуфиналето го победи Давид Ферер со 2:0 во сетови.
Во женското полуфинале ќе играат Марија Шарапова и Карла Суарез Наваро.