Организаторите на Олимписките игри во Токио соопштија денеска дека во олимпиското село се регистрирани два случаи на зараза со коронавирус меѓу спортистите.
Нивните идентитети не се објавени, а како што се наведува во соопштението, станува збор за двајца олимпијци од иста држава, кои се натпреваруваат во иста дисциплина и биле позитивни на тестирањата.
Ден претходно беше регистриран првиот заразен со Ковид-19 во олимпиското село, вклучен во организација на Игрите, чија националност не е соопштена.
Во олимпиското село ќе биде сместени најголем дел од 11.000 олимпијци, а натпреварувањата ќе се одржуваат без присуство на гледачи и под строги ограничувања, што вклучуваат секојдневни тестирања на спортистите, волонтерите, акредитираните новинари и лицата вклучени во организација на Олимписките игри.