Наталија Антих повеќе не е олимписка шампионка на 400 метри со пречки. Нејзе и беше одземен златниот медал од Олимписките игри во Лондон поради употреба на нелегални средства.
Лашинда Демус стана нов олимписки шампион на зелената маса точно 10 години по одржувањето на трката. Со одлука на Судот за спортска арбитража, на Русинката од 2013 до 2015 година и беа поништени сите резултати и доби четиригодишна суспензија.
Одделението за заштита на атлетиката донесе нова одлука врз основа на лабораториските резултати во Москва и одлучи да откаже се што направи Антих од 15 јули 2012 година до 29 јуни 2013 година. Демус, која доцнела седум стотинки се закити со злато. Жужана Хејнова на тој начин доби сребрен медал, додека Јамајканката Калисе Спенсер стигна до бронзата.