На терените на „Ол Ингланд клаб“ во Вимблдон денеска почнува третиот Грен Слем турнир сезонава. Бранителот на титулата од минатата година е домашниот тенисер Енди Мареј.
Букмејкерите најголеми шанси за освојување на тронот им даваат на во моментов двајцата први светски рекети Рафаел Надал (Шпанија) и на Новак Ѓоковиќ (Србија).
Кај дамите ќе ја нема ланската победничка Марион Бартоли. Французинката набргу по освојувањето на Вимблдон одлучи да ја заврши професионалната кариера.
Прва фаворитка е Серена Вилијамс (САД), а нејзина главна конкурентка за трофејот се очекува да биде Марија Шарапова (Русија).
Почетокот на првите натпревари е закажан во 12 часот и 30 минути.