Тренерот на хрватската фудбалска репрезентација Златко Далиќ по поразот од Унгарија (2:1) во квалификациите за ЕУРО 2020 изјави дека противниците на „коцкестите“ играат посебно мотивирани.
Според него, на следните натпревари тимот треба да одигра подобро.
– Ние доминиравме во второто полувреме, создадовме шанси и се обидовме да извршиме притисок, но не успеавме да го избегнеме поразот. Треба да работиме понапорно и да се бориме на следните натпревари. Мора да бидеме поагресивни. Сите против нас даваат 200 проценти, бидејќи бевме финалисти на светското првенство, изјави Далиќ.
Хрватска по два натпревара во Е-групата има една победа и еден пораз.