Хрватскиот тенисер Марин Чилиќ го очекува суспензија поради користење недозволени стимулативни средства.
Чилиќ беше тестиран за време на турнирот во Минхен каде не го помина допинг тестот.
Според објаснувањето од тимот на Хрватот, на Чилиќ му паднал шеќерот и поради тоа, еден член од тимот купил препарат од аптека и му го дал на тенисерот иако на него пишувало дека може да покаже позитивни резултати при допиг контрола.
Чилиќ бил тестиран и две недели претходно на турнирот во Монте Карло и тогаш бил „негативен“. Поради тоа и поради минималното количество на недозволената супстанца при допингот во Минхен, се очекува хрватскиот тенисер да помине со „блага“ казна од околу три месеци.
Ова е втор случај во последниве три дена допинг афера да се случува кај тенисери од Балканот, откако претходно поради одбивање на допинг тест 18-месечна суспензија доби српскиот тенисер Виктор Троицки.