Фудбалскиот клуб Барселона најави дека во јануари за време на преодниот рок повторно ќе се обиде да направи трансфер и во своите редови да го донесе играчот на Ливерпул, Филипе Кутињо, пренесуваат шпанските медиуми.
Каталонскиот клуб во летниот преоден рок не успеа да го ангажира Кутињо, а понуди 100 милиони евра за играчот на Ливерпул.
Менаџерот на „црвените“ Јирген Клоп беше доследен и не сакаше да го продаде играчот, притоа Клоп изјави дека доколку клубот од Енфилд не ги продавал своите најдобри играчи сега би можел да биде во самиот врв и дека додека е тој менаџер таа грешка нема да се повтори.
По враќањето во тимот есенва Кутињо постигна три голови (два во Премиер лигата и еден во Лигата на шампионите) и еден од најдобрите играчи во „црвениот дрес“.