Најновата промена на АТП листата на врвот донесе неколку промени. Рафаел Надал по триумфот на турнирот во Буенос Аирес се проби на третото место, а најдобриот македонски тенисер Томислав Јотовски го бележи својот најдобар ранг.
Надал сега се наоѓа на третото место, а зад него со скок од едно место е Кеи Нишикори, додека по елиминацијата во четвртфиналето во Дубаи, Енди Мареј падна на петтото место.
На двете први позиции нема промена Новак Ѓоковиќ е прв, а Рожер Федерер е втор.
На 536.место е нашиот најдобар тенисер Томислав Јотовски, кој има 60 поени и има скок од четири позиции.
Воедно Јотовски по повредата оваа недела треба да стартува на фјучрс турнир во Анталија.
Две места подобар пласман од претходната недела има и Димитар Грабул, кој сега е на 665.место. Другите македонски тенисери го имаат следниот ранг: Стефан Мицов – 1.309 место, Бесир Дургути – 1.310 место и Шендрит Деари – 1.392 место.