Шпанецот Давид Ферер се пласираше во четвртфиналето на Австралијан Опен со победата над Јапонецот Кеи Нишикори, со резултат 6:2, 6:1, 6:4.
Четвртиот тенисер на светот го контролираше мечот од самиот старт. Негов противник во борбата за полуфиналето ќе биде Николас Алмагро.
Алмагро го доби осминафиналето против Јанко Типсаревиќ, откако Србинот, при водство на Алмагро од 6:2 и 5:1, поради повреда на левата нога го предаде мечот.
Без многу проблеми и без загубен сет, во четвртфиналето се пласира и Чехот, Томаш Бердих. Петтиот носител со 6:3, 6:2, 7:6 го совлада Јужноафриканецот Кевин Андерсон.