Словенечкиот опозициски лидер Зоран Јанковиќ денеска од својата партија „Позитивна Словенија“ побара да го ослободи од претседателската функција, соопшти ДПА.
Барањето на Јанковиќ беше упатено по објавувањето во текот на оваа недела на извештајот на државната Комисија за превенција на корупцијата, во кој се соддржат обвиненија кон него дека не го пријавил зголемувањето за 2,4 милиона евра на својата имотна состојба.
Во извештајот се соддржат слични обвиненија и кон премиерот Јанез Јанша за непријавени промени во имотната состојба.
Јанковиќ посочи дека очекува до изборите за нов лидер на партијата, што треба да се оддржат до крајот на годината, да го исчисти своето име. Тој додаде дека до тогаш ќе одлучи дали повторно да се кандидира за лидерската функција.
Јанковиќ, кој е градоначалник на Љубљана, ги отфрли обвинувањата од извештајот.