Законот за Договорот од Преспа објавен во Службен весник на Грција

Од:

Законот според кој се ратификува и стапува на сила Договорот од Преспа е објавен во Службен весник на Грција, откако претходно, веднаш по ратификацијата од Парламентот, го потпиша и грчкиот претседател Прокопис Павлопулос.

Со објавувањето во Службен весник со датум 25 јануари 2019, договорот меѓу двете земји веќе и официјално е закон во Грција.

Законот од Министерството за надворешни работи на Грција под наслов „Ратификација на конечниот договор за решавање на разликите како што се објаснети во одлуките на Советот за безбедност на Обединетите нации 817 (1993) и 845 (1993), прекинување на Времената спогодба од 1995 година и воспоставување на стратешко партнерство меѓу страните, содржи 3 члена.

Првиот член е договорот во целост на англиски и преведен на грчки јазик. Вториот член се однесува на подигањето на нивото на Канцеларијата за врски во Скопје во амбасада и на Канцеларијата за конзуларни, економски и трговски работи во Битола на ниво на Генерален конзулат. Третиот член објаснува дека законот стапува на сила по објавувањето во Службен весник, а договорот стапува на сила по ратификацијата и по исполнување на предусловите, согласно членот 20.

Како нацрт закон, минатата сабота, Договорот од Преспа беше донесен во грчкиот Парламент по што следеше дводневна расправа на надлежната Комисија за надворешни работи и одбрана, потоа пратениците над 38 часа на пленарна седница во три продолженија расправаа за решението меѓу двете земји, а вчера напладне со 153 гласа „за“, законот беше усвоен.

Веднаш по ратификацијата, го потпиша претседателот на Грција Прокопис Павлопулос и го отвори патот за објавување на законот во Службен весник.

Би можело да ве интересира

Грција: 99 нови случаи и шест нови жртви од коронавирусот

А1он

Грција воведе нов систем за издавање електронски рецепти за лекови

А1он

Пецас: Ако биде потребно, пред Велигден ќе ги затвориме патарините

Ана Ололовска

Поддршка и солидарност од Грција до Италија – подигнато италијанското знаме на Парламентот и МНР

Ана Ололовска

За 5,3 отсто намален бројот на бегалци и мигранти на грчките острови во првото тримесечје од 2020 година

Ана Ололовска

Анкети: Грците загрижени за ширењето на коронавирусот, но задоволни со мерките на владата

Ана Ололовска