Српскиот министер за труд и социјална политика, Александар Вулин, кој е одговорен за миграциската криза, денеска изјави дека Србија разговара со унгарската Влада за трупањето мигранти на нивната граница и посочи дека Будимпешта ќе „треба да ја отвори границата“, пренесоа британските медиуми.
-Ние зборуваме со Унгарците, рече Вулин за Ројтерс на границата, каде толпата мигранти постојано се зголемува, откако Унгарија во текот на ноќта ја затвори својата јужна граница.
„Тие ќе треба да ја отворат границата“, рече српскиот министер.