Договорот за демаркација на црногорско-косовската граница за Црна Гора е завршна работа, му порача на косовоскиот премиер Рамуш Харадинај, црногорскиот претседател Филип Вујановиќ за време на неговата посета на Албанија.
На прес-конференцијата со албанскиот претседател Илир Мета, Вујановиќ кажа дека Договорот е ратификуван во Црна Гора, дека има поддршка од мнозинството во Косово и дека сега тоа е внатрешно косовско прашање.
– Договорот е завршен. Ратификуван е во Црна Гора и има мнознство во Косово. Тоа сега е внатрешно прашање на Косово. Треба да се има во предвид дека ова прашање е услов од Брисел за Косово. Што побрзо да се реши оваа работа. Секако, Косово ќе го реши тоа како што треба, посочи Вујановиќ.
Албанскиот претседател Мета беше праша за изборот на нов државен јавен обвинител во земјата, откако на актуелниот Адриатик Лала му истече мандатот.
– Тоа е одговорност на извршната власт и на Парламентот на Албанија. Како Претседател сакам да нагласам дека станува збор за многу значајна институција, клучна во правосудството и затоа треба да се почитува Уставот, посочи Мета.
Тој додаде дека главните политички актери треба да седнат на итен и отворен дијалог, заснова на транспарентни стандарди и да најдат решение за ова прашање.
– Секој едностран чекор нема да придонесе за консолидација на независноста на институциите и зголемување на довербата во судските органи, нагласи Мета.