Србија на 28-ми јуни ќе добие, не само зелено светло, туку и датум за почеток на преговорите за членство во ЕУ, смета првиот потпретседател на владата на Србија, Александар Вучиќ.
Тој истакна дека по природа е скептик, но дека очекува Србија овој Видовден да го дочека како победник.
-Не очекувам само зелено светло, туку и одлука и точен датум за почеток на преговорите – нагласи Вучиќ.
Потпретседателот на владата на Србија, меѓу другото додаде дека очекуваат ова да биде првиот победнички Видовден во српската историја.
Елена Георгиевска