Словенечкото Собрание на специјална седница во четврток ќе расправа по интерпелацијата за министерот за економија Здравко Почивалшек, јави дописникот на МИА од Љубљана.
Интерпелација ја поднесоа сите парламентарни опозициски партии, кои го обвинуваат министерот за системска корупција, а одговорност бараат од него, но од и целата влада.
Според словенечките медиуми, позицијата на Почивалшек засега е сигурна, бидејќи коалициски партнери во владата на Јанез Јанша веќе објавија дека го поддржуваат и ќе сторат се тој да остане на функцијата.
Почивалшек е во центарот на скандалот околу набавката на заштитна опрема и респиратори во екот на епидемијата на коронавирусот.
Токму работата и министерот и аферата која ја објави словенечката државна телевизија беше повод за протестите кои секој петок се одржуваат во Љубљана и другите поголеми градови.