Полицијата процени дека од вчера до утрово во Словенија влегле 13.000 бегалци во близина на Ригонц, јави Танјуг.
Последниот воз од Хрватска кој рано утрово пристигнал на словенечката граница на тој премин довезол 1.339 луѓе. Ова утро околу 2.300 лица биле во прифатниот центар во Брежице, додека другите 2.700 пристигнуваат од Ригонц.
Бегалците се разместени во прифатни центри ширум земјата, за време на целата ноќ. Тие кои се регистрирани се транспортираат во Австрија.