Словенечката полиција уапсила 21 лице во акцијата која во медиумите е опишана како најголемата операција против мафијата во оваа земја, а притоа се запленети 160 килограми кокаин и 130 килограми марихуана, додека полицајците се уште трагааат по еден од осомничените.
Словенечкото истражно биро соопшти дека 21 лице е уапсено заради тоа што во Словенија, Бугарија, БиХ, Србија, Македонија и на Косово сториле околу 400 кривични дела, пренесе РТС, повикувајќи се на словенечките медиуми.
Шефот на полицијата во Копар, Томас Пешоља, изјави дека во текот на акцијата тие имале значителна помош и од Европол.
Во текот на акцијата, запленети се 160 килограми кокаин, 131 килограм марихуана, најмалку три парчиња оружје, додека во Бугарија е откриена штампарија за фалксификувани банкноти, што подоцна биле дистрибуирани ширум Европа.
Оваа група, исто така, е осомничена дека на територијата на Словенија прошверцувала најмалку 50 лица.
Акцијата на словенечката полиција истовремено била спроведена во Копар, Изола и Пиран.
Словенечката полиција, се уште, трага по Шипрон Хоџај од Изола.
Како што пишува словенечкиот портал 24ур, меѓу осомничените е и некогашниот капитен на фудбалскиот клуб „Копар“, Ивица Губерац, кој наводно се наоѓа во Русија.