Илегален мигрант од Мароко е уапсен во Приштина, а според косовската полиција, се работи за човек осомничен дека минатата недела учествувал во тепачка со локални жители во Илиџа кај Сараево, во која беше убиен 36-годишниот локален жител Јасмин Беровиќ.
Групата Мароканци, меѓу кои е и денеска уапсениот и уште еден фатен осомничен, се степале со локални момчиња во кафеана во Илиџа, по што мигрантите извадиле ножеви и раниле двајца другари на загинатиот Беровиќ, а тој добил удар со штица во главата, кој бил смртоносен, соопшти полицијата.
Иако Мароканците успеале да побегнат од Сараево и од Босна по убиството, полициските сили во регионот ги приведуваат во различни држави – уште еден од групата, 31-годишниот С.Е.Д. е уапсен вчера во Белград, соопшти српската полиција.