Амбасадорот на Германија, Хајнц Вилхелм изјави дека е сигурен дека Белград и Приштина за некои точки ќе дојдат до решение, за реализација на договорот и дека тоа ќе биде доволно Србија да добие датум за почеток на преговорите со ЕУ.
-Не можам да очекувам ништо, ниту пак да се надевам, но како што продолжија разговорите во Брисел, на различни нивоа, сигурен сум дека во некои точки ќе дојде до договор и дека тоа ќе биде доволно за да се добие датум-изјави Вилхелм.
На прашањето дали Србија ќе добие датум одговори дека доколку Александар Вучиќ е оптимист и тој е.
Амбасадорот на Германија нагласи дека услов за добивање датум е реализацијата на договорот, како и дека останале уште две недели до донесување на одлуката.
Тој истакна дека не може да каже која одлука ќе ја донесе парламентот во Германија, но верува дека одлуката ќе зависи од истите правила кои што важат и за Европскиот совет.
Елена Георгиевска