Првата полициска патрола на велосипеди, која ќе биде во рамки на Полициската управа во Нови Сад, беше претставена денеска пред влезот на новосадскиот базен Штранд, јави Танјуг.
Овие полицајци веќе добија и прекар – бајкани. Со тоа Нови Сад доби прва полициска велосипедска патрола која брои два члена и до почетокот на следната година ќе бидат формирани уште девет такви патроли.
Вакви патроли ќе бидат формирани и во други градови од Србија. Член на велосипедската полициска патрола изјави дека таа многу ќе придонесе за зголемување на безбедноста бидејќи полицијата побрзо ќе стигнува на местото на настанот, особено на тешко пристапни локации.