ВИДЕО: Страотен пожар беснее и кај Бодрум, стотици туристи евакуирани од хотелите

Од:

Не стивнуваат шумските пожари кои предизвикаа тревога во турските одморалишта на Егејското Море. По вчерашниот шумски пожар кај Сиде, во регионот на Анталија, кој однесе три животи, денеска се запали и шумата над Бодрум, како и кај Мармарис, а стотици гости се евакуирани од најблиските хотели, кои се целосно обвиени во чад.

Евакуирани се неколку стотици туристи, главно Руси, од два хотела непосредно под шумата која гори, а Русија денеска соопшти дека испраќа три авиони како помош во гаснењето на пожарите. Според официјални извори, досега во пожарите кои ги зафатија турските одморалишта, повредени се 112 луѓе. Турскиот министер за земјоделство Бекир Пакдемирли изјави дека настрадале и 150 говеда, околу илјада овци, уништени се 600 хектари земјоделско земјиште, а оштетени се и 50 хектари под оранжерии.

Од денеска околу пладне, стотици пожарникари се обидуваат да ја скротат огнената стихија. Според надлежните, ситуацијата е тешка, но сѐ уште под контрола, а главните напори се насочени кон спречување на ширењето на пожарите кон туристичките и другите објекти во Бодрум.

Би можело да ве интересира

Германецот Кунц пред промоција во нов селектор на Турција

А1он

Директорот на Фронтекс во посета на бугарско-турската граница

А1он

Двајца турски војници загинаа во нападите во Сирија и Ирак

Ѓунеш веќе не е селектор на Турција

А1он

Во Турција од почетокот на годината задржани речиси 100 илјади мигранти

Ердоган: Турција ќе го отстрани присуството на ФЕТО од балканскиот регион

А1он