Александар Ерац не можел да чека да пристигне некој од спасувачките екипи, туку сам со чамец скокнал во Морава, за да спаси деца кои што биле заробени во населбата Грдица.
-Постојано бевме во врска со неколку семејства, кои останаа во своите домови, додека Морава се движеше кон Грдица. Не можев повеќе да чекам, заминав по чамец и тргнав. Водата беше ледена, но нивните животи не прашуваат за тоа-рече тој.
Евакуираната жена била премногу вознемирена, бидејќи целата ноќ ја поминала сама со малите деца, а немало никој во близина за да и помогне.
-Не можам да зборувам, целата ноќ ја поминав размислувајќи за децата. Не знаев што не чека наутро-истакна таа за српски „Блиц“.
Во населбата Грдица се поплавени повеќе од 300 домаќинства, а околу 1500 лица се евакуирани.
Е. Г.