Денеска на универзитет во центарот на Прага се случи вооружен инцидент во кој има мртви и ранети, соопшти чешката полиција. Пукањето се случило на Филозофскиот факултет на Универзитетот Чарлс, што го потврдила и портпаролката на тој факултет.
— Josef Otta (@meny1337) December 21, 2023
Според агенцијата Aktu.cz, напаѓачот користел оружје со оптика. .
На терен се бројни спасувачки екипи.
„Апелираме до граѓаните да не престојуваат во непосредна близина и да не ги напуштаат своите домови. Интервенцијата на полицијата продолжува“, апелира полицијата.
Полицијата на мрежата Х објави дека напаѓачот е елиминиран. Како што информираа, неколкумина се мртви, а десетици се ранети. Зградата на факултетот се евакуира.
Луѓето на социјалните мрежи пишуваат дека „имало многу пукање“.