Граѓани на Србија од опозицијата собрани околу коалицијата „Србија против насилство“ протестираат пред зградата на Републичката изборна комисија (РИК) во Белград.
UŽIVO: pred vratima ukradene Skupštine Beograda! pic.twitter.com/lbD6Gpayxl
— Narodni pokret Srbije (@NarodniPokretS) December 24, 2023
Студентите кои протестираа побараа од претседателот на Србија Александар Вучиќ до денеска да ги исполни нивните барања и порачаа дека во спротивно во понеделник ќе го блокираат цел Белград. Од Министерството за државна управа и локална самоуправа побараа проверка на избирачкиот список, а дадоа рок до понеделник за одговор – во спротивно најавуваат блокада на главниот град.
Да потсетиме, опозицијата и студентите веќе неколку дена протестираат пред зградата на РИК, а потпретседателката на ССП, Мариника Тепиќ, седум дена по ред штрајкува со глад. Во штрајкот ѝ се придружија уште шестмина поранешни пратеници и претставници на коалицијата Србија против насилството.
Претставниците на „Србија против насилство“ околу 19 часот се обидоа да влезат во зградата на Градското собрание на Белград, но вратата била заклучена. По 15-тина минути повторно го пробале истото, а со рачка за знаме го скршиле влезот во зградата. Полицијата целосно го блокирала влезот на Градското собрание, а од прозорецот бил фрлен солзавец, јавува Нова.рс.