Во 52 града и општини во Србија е прогласена вонредна состојба поради силното невреме и порјоните дождови кои направија огромни штети. За 24 часа евакуирани се околу 300 лица. Патиштата се оштетени, водата однесе мостови и предизвика одрони.
Српската полиција објави дека со чамци евакуирала дел од жителите на критичните региони.
Pukao most na Zapadnoj Moravi koji je spajao Slatinu i Mrčajevce! pic.twitter.com/S4yWHwbH1n
— nova.rs (@novarsonline) June 17, 2023
Мостот на Западна Морава, кој ги поврзува чачачките села Мрчајевце и Слатина, рано утринава беше целосно уништен пред поројните дождови и обилните врнежи од дожд кои го зафатија Чачак и неговата околина.
Најкритично е во околината на Краљево, а со водената стихија се борат речиси во сите делови на централна и западна Србија. Водата го однесе мостот на Ибарската магистрала во Адране кај Краљево, па сообраќајот на тој дел од автопатот е во прекин. Поплавниот бран се движи кон Куршумлија, Прокупље и Дољевац.