Турција ги предупреди косовските власти за можни терористички напади врз објекти на Турскиот културен центар „Јунус Емре“ на Косово.
Турската амбасада во Приштина испратила официјално писмо до косовското Министерство за надворешни работи во кое побарало косовските власти да преземат дополнителни безбедносни мерки во реонот на зградите на културниот центар во Приштина, Призрен и Пеќ, со цел да ги заштитат од евентуални напади од страна на „терористичката организација на Фетулах Ѓулен“, јави радиото Слободна Европа на албански јазик.
Извори за радиото изјавиле дека нема признаци за подготовка на конкретни терористички дејствија, но во ситуација на глобална терористичка закана се неопходни зајакнати мерки за безбедност.
Турскиот културен центар „Јунис Емре“ на Косово беше отворен пред пет години. Тој е финансиран главно од генералниот конзулат на Турција во Призрен.