Генералното собрание на ОН на 2 мај ќе расправа за Резолуцијата за Сребреница, прашање кое веќе предизвика бројни реакции во регионот, особено меѓу претставниците на босанскохерцеговскиот ентитет , Република Српска и на Србија, а министерот за надворешни работи Бујар Османи рече дека Македонија ќе поддржи резолуција за прогласување на настаните во Сребреница за геноцид.
– Мора да ги наречеме работите со вистинското име ако сакаме од нив да научиме и сакаме никогаш да не ни се повторат. Мислам дека тоа е важно за да конечно влеземе во процес на помирување во регионот. Многу е важно што БиХ доби одлука за почеток на преговорите, се надевам дека ќе ја консолидира соработката и односите меѓу трите ентитета.
Очекувам брзо нормализирање на односите меѓу Косово и Србија со меѓусебно признавање бидејќи тоа ќе затвори уште едно отвореное досие и очекувам Македониај да ја задржи стратершката предвилидност – рече Османи.
Ова следува по веста дека Франција се приклучи како коспонзор на Резолуцијата за геноцидот во Сребреница, што треба да биде изгласана во Генералното собрание на Обединетите нации (ОН).
„Франција се придружува да биде коспонзор на Резолуцијата за геноцидот во Сребреница. Благодарност на нашата пријателска земја, претседателот Макрон и француската мисија при ОН“, се наведува на официјалниот профил на мрежата X на Меморијалниот центар во Сребреница.
„На 11 јули 1995 година и во деновите што следуваа, овде во Сребреница во БиХ се случи една од најлошите трагедии во модерната историја. Франција не заборави на повеќе од 8.000 жртви, возрасни и деца, кои беа убиени. Со длабоки емоции ги поздравувам преживеаните жртви на геноцидот и нивните семејства и изразувам искрено сочувство“, порача Макрон.