СЗО во Црна Гора препорача училиштата да се отворат кога епидемијата ќе биде под контрола

Од:

Шефот на канцеларијата на Светската здравствена организација (СЗО) во Црна Гора, Мина Брајовиќ, изјави дека училиштата во таа држава треба да се отворат кога епидемијата на коронавирусот ќе биде под контрола.

– Отворањето училишта ќе биде предизвик. Тоа е одлука што мора да ја донесат националните власти. Треба да се земат предвид голем број различни фактори и да се изврши проценка на ризик. Се препорачува да се земат предвид епидемиолошката состојба и оперативните и капацитетите на системот, нагласи Брајовиќ.

Таа напомена дека сите земји треба да го имаат предвид пренесувањето на вирусот кај детската популација и дека пренесувањето на инфекцијата во училишните институции треба да се гледа од поширока перспектива.

– Децата мора да имаат соодветни услови. Да ги мијат рацете редовно со сапун и вода и знаеме дека има случаи во училиштата каде санитарните јазли не се во ред, рече Брајовиќ.

Таа истакна дека блокирањето и затворањето на општеството поради вирусот не е опција, ниту избор, но дека мора да се научи да се живее со тоа.

Црногорското Министерство за образование објави пред два дена дека се уште не се знае дали учениците ќе се вратат на училиште од септември, но и дека се прават подготовки за редовна настава, и за „План Б“, односно часови преку интернет.

Би можело да ве интересира

Во Полска регистрирани рекордни 1.002 случаи на Ковид-19

Ана Ололовска

Кина испитува 11 вакцини против Ковид-19, од кои четири се во трета фаза

Ана Ололовска

Дачиќ: Ѓукановиќ продолжува да ги плаши граѓаните на Црна Гора со лаги за Србија

Ана Ололовска

По два месеца во Русија повторно над 6.000 новозаболени од Ковид-19

Ана Ололовска

ВИДЕО: Во Мелбурн уапсени 16 демонстранти

Ана Ололовска

Во Словенија задолжително носење маски и на отворено ако нема дистанца

Ана Ололовска