Српскиот патријарх Иринеј денеска изјави дека косовските Срби треба да гласаат на локалните избори во Косово, што ќе се оддржат на 3 ноември, соопшти белградското радио Б92.
Тој посочи дека ќе биде трагично доколку Србите го бојкотираат гласањето и не успеат да формираат локални управи во регионите каде се мнозинство од населението.
Ако Србите се во позиција да гласаат, нека гласаат за најдобриот меѓу нив, за луѓе со искуство и авторитет, чиј збор ќе значи нешто, изјави патријархот Иринеј.
-Имајќи предвид дека нашиот народ има потреба од единство, учеството на Србите на изборите треба да е ’сите или никој’ , бидејќи само тоа може да се покаже како погодно и корисно, додаде патријархот Иринеј.