Министерот за внатрешни работи на Србија Небојша Стефановиќ најави денеска дека ќе бидат формирани посебни полициски тимови со единствена задача – на денот на изборите на 24 април да сузбијат секаква можност за изборна кражба.
– Тие можеби нема да изгледаат на полицајци, но кога ќе им стават на луѓето лисици на рацете и тоа како ќе им изгледаат на полицајци, изјави Стефановиќ пред просториите на Српската Напредна Партија од чии редови доаѓа.
Стефановиќ најави дека МВР интензивно работи и во наредниот период да се сузбијат сите видови криминал, пренесува „Блиц“.
– Сакаме луѓето да се чувствуваат сигурно и безбедно, да не се плашат дека ќе им исчезне велосипедот а не пак автомобилот, но исто така оние кои некогаш обавувале јавни функции да не мислат дека само затоа што изминал нивниот мандат сега се безбедни доколку го прекршиле законот, изјави српскиот министер.