Идниот месец ќе биде предолг за граѓаните на Србија, кои истрошени за време на празниците, ќе се соочат со нов раст на цените, јави Б92.
Според телевизијата, повеќето прозиводители најавуваат поскапување на нивните производи во јануари, а некои ги зголемиле цените уште пред празниците. Така, деновиве во Србија поскапеа млекото и млечните производи, а се очкува раст и на цените на средствата за чистење, козметиката, кафето, овошјето и зеленчукот.
Најавено е и псокапување на алкохолните пијалаци за десет отсто, како и на кондиторските производи за 17 до 24 проценти. По повиска цена и тоа за пет отсто ќе се продаваат и зачините, а еспресо-кафето ќе поскапи за 20 проценти.
Б92 наведува дека од почетокот на годината драстично поскапеле голем број прехранбени производи и услуги во Србија и тоа портокалите за 80 отсто, зелката за 70, лимоните за 50 отсто, а задолжителното патничко осигурување при регистрација на возилата и телефонската претплата за речиси 30 проценти.
Растот на цените производителите и продавачите го правдаат со падот на вредноста на српскиот динар во однос на странските валути.