Спираки: Кина одбила барање на грчка компанија за употребата на терминот „македонско“

Од:

Кина, на 23 минатиот месец, одбила барање од грчка компанија за употреба на терминот „македонско“, со образложение дека потребна е дозвола за употреба од соседната земја, откри Мариа Спираки, портпаролката на грчката опозициска партија Нова демократија, на брифингот со новинарите, јави дописничката на МИА од Атина.

-Без да го откриеме името на бизнисот, ве известувам дека од страна на Кина, постои отфрлено барање на грчка компанија за користење на терминот „македонски” за нејзините производи, со образложение дека не може да се користи без дозвола од соседната земја. Отфрлањето е со датум 23 февруари 2019, рече Спираки.

Портпаролката на Нова демократија, конкретниот пример го спомена во контекст на посетата на Ципрас на Скопје, а говорејќи за трговските ознаки коментираше дека „грчките бизниси веќе ја плаќаат цената од штетниот договор“.

-Со Договорот од Преспа, владата ги остави за три години нерешени прашањата за трговските имиња, трговските ознаки и за имињата за производите од нашата Македонија, рече Спираки.

Би можело да ве интересира

Во грчкиот парламент доставен новиот нацрт закон за азил

Жители од северна Грција не дозволија бегалци и мигранти да бидат сместени во нивното село

Пронајдено мртво исчезнатото дете по судирот на чамец со мигранти и брод на грчката крајбрежна служба

Коѕијас: Владата го поткопува Договорот од Преспа

Мицотакис: Грција го поддржува европскиот пат на земјите од Западен Балкан

Исчезнати две лица по судир на чамец со мигранти и брод на грчката крајбрежна служба