Советот на Европа во својот најнов извештај побара од властите во Љубљана да ги признаат германскиот, хрватскиот и српскиот како „традиционални малцински јазици на Словенија“ и за нив да ја применува Европската повелба за регионални и малцински јазици.
Советот на Европа, исто така, бара од Словенија целосна примена на законот за јазици на малцинствата, во делот кој се однесува на употребата на унгарскиот и на италијанскиот јазик во јавните служби, секојдневните економски и општествени активности и во кореспонденција со државната администрација.
Во извештајот натаму се бара од Словенија да го заштити ромскиот јазик, како и да воведе изучување на ромскиот јазик и култура на соодветни образовни нивоа.
Словенија треба да ги интензивира мерките за поттикнување на јавната свест за примената на малцинските јазици во образованието и во медиумите, се наведува во извештајот.