Словенија се најде на списокот на 50-тина држави кои ќе се ангажираат во борбата против терористичката организација „Исламска држава“, но тоа не значи и воен ангажман, објави словенечкото министерство за надворешни работи.
– Словенија е вклучена во меѓународните напори терористичките активности на оваа организација да запрат, но не треба да се очекува дека ќе учествуваме и во воените активности, појасни словенечкото Министерство за надворешни работи.
Словенија не може да остане рамнодушна на тоа дека ИД со своите активности претставува закана, не само за Ирак, туку и за опкружувањето и целиот свет, се вели во соопштението.