Словенечкиот фармер Јуре Зидар незадоволен од државната бирократија, која не решава проблем со отстрел на волци што му го напаѓаат добитокот, одлучи да го даде случајот во Европскиот суд за права на човекот во Стразбур.
– Изгубив секаква надеж дека државата ќе ме заштити, затоа мислам да ги судам волците во европскиот суд, вели младиот фармер од Рибница во централна Словенија.
Јуре има 20 крави и телиња и иако пасиштето му е оградено со кабел со „ниска струја“, волците ова лето му изеле четири крави и две телиња, а државата не сака да му плати отштета.
Во Словенија волците се заштитен вид од 1970 година. Одлука за отстрел се дава само во исклучителни случаи.