Рон Џонсон: Србија и Косово треба да земат пример од Северна Македонија и Грција како се постигнува договор

Од:

Лидерите на Србија и Косово треба да сфатат дека од најдобар интерес за нив е да ги oстават разликите зад себе и да постигнат договор по углед на Грција и Северна Македонија.

Ова во интервју за Гласот на Америка на украински јазик го изјави сенаторт Рон Џонсон, републиканец од Висконсин и претседавач на сенатската Комисија за надворешни работи.

– Постигнувањето договор е уште потешко зашто двете земји бараат поголема американска ангажираност. Ја ценат помошта од Европејците, но бараат поголемо американско влијание. Мислам дека сме способни да им помогнеме, но не и да им наметнеме решение, изјави Џонсон.

Според него, обете страни може да сметаат на поддршката од Америка и Европа, откако постигнат договор, со кој треба да ги убедите жителите на Косово и Србија за неговата корист.

-Земете го примерот со Грција и сега, Северна Македонија, чии жители не беа среќни од меѓусебен договор. Затоа беше потребна политичка храброст за таков договор, што на крајот, беше историски ! Двете земји преговараа заткулисно многу месеци за да стасаат до договор, истакна сенаторот.

Додаде дека токму тоа треба да им се предочи на Србија и Косово.

– Во нивни заеднички интерес е понатамошна европска интеграција и економска слободна зона и пристап до успешните економии. Не треба да се „продава“ евентуалниот договор, туку бенефициите од него и надминувањето на проблемот, истакна Џонсон.

Би можело да ве интересира

Почина српскиот режисер Горан Паскаљевиќ

А1он

Состанокот Белград-Приштина откажан поради „претпазливост во врска со Ковид-19“

А1он

(ВИДЕО) Вучиќ: Со Ердоган договоривме изградба на индустриска зона во Војводина

Горјан Грнчаровски

Брисел: Засега нема разговори за српските општини, таа обврска ја презеде Приштина

А1он

Загинале двајцата српски пилоти чиј авион „Миг-21“ се урна, потврди Министерството за одбрана

А1он

Пациентите кои немаат Ковид-19, а се на интензивна нега во грчките болници, доколку е потребно ќе се префрлаат во приватни клиники

Ана Ололовска