Директорката на УНИЦЕФ за Европа и централна Азија, Мари Пјер Пуарје смета дека Србија е лидер во регионот кога е во прашање реформа на системот за детска и социјална заштита, јави Танјуг.
Пуарје во интервју за Политика вели дека според најновите анализи на УНИЦЕФ, во Србија 74 отсто од децата од сиромашни семејства одат во средно училиште. Според тие податоци децата во Србија во просек добро се здравствено згрижени, квалитетно образовани и добро ухранети.
– Повеќе од 95 деца во Србија ги примиле сите вакцини предвидени со календарот за имунизација, а 97 отсто од нив посетуваат училиште, изјави таа.
Според неа, Србија истовремено развила и систем за едукација на старатели како да се грижат за деца со пречки во развојот, а тој „современ пристап дава добри резултати“.