Синдикатите на просветните работници попладнево одржаа речиси тричасовен протест во Белград, на кој порачаа дека учениците нема да добијат книшки со оценки на крајот од првото полугодие.
Лидерите на четирите репрезентативни синдикати уште еднаш му ги предадоа своите барања на српскиот министер за образование Срѓан Вербиќ.
– Министерот не не прими, а со останатите не сакавме да разговараме, изјави еден од лидерите на синдикалците, Томислав Живановиќ по враќањето од зградата на ресорното министерство.
– Членовите на четирите синдикати нема да им ги заклучат оценките на учениците на крајот од првото полугодие, бидејќи ќе ги бојкотираат наставничките совети, истакна претседателот на Унијата на синдикати на просветни работници на Србија, Драган Матијевиќ.
На собирот било пренесено дека Владата наместо исполнување на нивните барања за иземање на просветните работници од намалувања им понудила еднократна помош од 7.500 динари.