Денес во Брисел ќе продолжи состанокот помеѓу премиерите на Србија и Косово, Ивица Дачиќ и Хашим Тачи и високата претставничка на ЕУ Кетрин Ештон.
Високата претставничка на ЕУ, вчера најпрвин имаше билатерални средби со премиерите, а потоа следуваше трилатералниот состанок. По вчерашните разговори никој од нив не даде изјава.
По завршување на состанокот високата претставничка на ЕУ соопшти дека е задоволна што повторно ги пречекува премиерите Дачиќ и Тачи.
-Уверена сум во нивната посветеност за напредок и спроведување на Бриселскиот договор на дело. Утре повторно ќе се состанеме за да ја потврдиме нашата заложба за ова прашање – рече Ештон на крајот на состанокот.
Тема на денешниот разговор е спроведување на парафираниот договор помеѓу Белград и Приштина.
Елена Георгиевска