Претседателот на словенечкиот парламент Грегор Вирант синоќа соопшти дека в понеделник ќе поднесе оставка од функцијата, а седниците на парламентот ќе ги раководи неговиот заменик Јакоб Пресечник.
Оставката Грегор Вирант ја објави по средбата на раководството на неговата партија Граѓанска листа, која, исто така, објави дека излегува од владејачката коалиција поради одбивањето на премиерот Јанез Јанша да поднесе оставка по корупцискиот скандал.
Во понеделник парламентот ќе биде известен и дека двајцата министри од партијата на Вирант, Јанез Шушершич за финансии и Сенко Пличанич за правда ја напуштаат владата.
Со ова продолжува политичката криза во Словенија, а има опаснсот и од нови предвремени избори, 14 месеци по претходните, бидејќи излегување од Власата веќе најавија и Демократската партија на пензионерите и Словенечката народна партија.