По двете несреќи со мигранти во Грција, Мицотакис ја повика Турција да соработува

Од:

Во двете одвоени несреќи со потонати чамци со мигранти што се случија вчера во близина на грчките острови Лезбос и Китира, според информациите на дописничката на МИА од Атина од крајбрежната служба на Грција, спасени се вкупно 108 лица, загинаа 18, а исчезнати се 15 мигранти.

dobivaj vesti na viber

Паралелно, грчкиот премиер ја повика Турција да соработува со Грција за справување со мрежите на криумчарите.

Во несреќата кај Лезбос, островот во северниот дел на Егејското море и во близина на турското крајбрежје, спасени се 28 лица, од кои тројца утрово биле пронајдени на копно, додека пак од морето беа извлечени безживотните тела на 18 миграни (16 жени, едно дете и еден маж).

Во бродоломот кај Китира, островот што се наоѓа јужно од Пелопонез, во текот на вчерашниот ден беа спасени 80 лица, а 15 се водат за исчезнати, по кои сè уште трае спасувачката акција на крајбрежната служба на Грција.

Грчкиот премиер Кирјакос Мицотакис од Прага, во изјавата пред почетокот на вонредниот Европски совет, одговарајќи на новинарско прашање за двете несреќи во Егејското море, уште еднаш изрази длабоко жалење и ја повика Турција да соработува со Грција.

-Треба конечно да запре оваа инструментализација на бегалското прашање. Уште еднаш ја повикувам Турција да соработува со Грција за да можеме еднаш засекогаш да ги елиминираме овие мрежи, бедните мрежи на криумчари со прогонети луѓе. За повеќе да не се губат непотребно и други животи во Егејското море. Несомнено е дека Турција, ако сака, го има докажано тоа, може да стори повеќе за да го ограничи проблемот, од корен, кој е во чамците што ги напуштаат турските брегови, рече Мицотакис.

Додаде дека Грција ќе продолжи со она што „ефикасно и хумано го прави во последните три години: да ги брани своите граници и во исто време да се грижи да го спаси секој човек кој е во опасност да го загуби животот во морето“.

Извор: МИА

Би можело да ве интересира

Уапсени седум криумчари меѓу спасените 483 мигранти кај Крит

Ана Ололовска

Во Белград приведени десетици мигранти

Грција и Бугарија разговараат за активирање на стариот проект за изградба на нафтоводот Бургас-Александруполи

А1он

Спасените 483 мигранти кај Крит привремено сместени во брод закотвен на пристаниште

А1он

ИОМ: Повеќе од 50 илјади мигранти загинале од 2014 година

Мицотакис: Нема да има предвремени избори

А1он