Портпаролот на Демократската партија на Србија, Петар Петковиќ, ги повика српските граѓаните да се приклучат во денешниот протест на партијата во Белград, со кој ќе упатат барање до претседателот на Србија Томислав Николиќ и премиерот Ивица Дачиќ да поднесат оставка и да распишат референдум за договорот.
-Бараме од Дачиќ и Николиќ да поднесат оставка, бидејќи со тоа и бриселскиот договор со претставниците на косовските Албанци ќе се поништи. Државниот врв да распише референдум на кој граѓаните ќе го искажат својот став за документот кој го потпишаа Дачиќ и Тачи – изјави Петковиќ.
Тој додаде дека даваат поддршка на сите мирни собири на кои граѓаните ќе го изразат своето незадоволство поради договор кој е потпишан во Брисел.
Елена Георгиевска