Пецас: Европерспективата на Западен Балкан е и во нивни и во наш интерес

Од:

Ние секогаш сме за европската перспектива на сите земји од Западен Балкан, изјави портпаролот на грчката Влада, Стелиос Пецас на денешниот редовен брифинг со новинарите.

– Ние секогаш сме за европската перспектива на Западен Балкан, на сите земји. И во нивни и во наш интерес е да имаат европска перспектива и постепено да се упатуваат кон членство во Европската унија, рече Пецас.

Како што јави дописничката на МИА од Атина, одговарајќи на новинарско прашање дали по ветото од Франција е доведена во опасност „ерга омнес“ употребата на името на нашата земја, Пецас објасни дека „тоа зависи од волјата на другите“ и додаде дека тоа е уште еден аспект на Договорот од Преспа што укажува на нивниот став дека станува збор за „штетен договор“.

– Придржувањето кон овој Договор и тоа за клучно прашање, како што е почитувањето на принципот „ерга омнес“, зависи од волјата на другите. Сфаќате дека овој аспект е уште еден аспект што укажува зошто ние велевме дека овој договор е штетен договор. И ова е уште едно прашање кое ќе треба да го види секој оној кој со критичко расположение го гледа Договорот од Преспа и да ја разбере нашата политика кога велиме дека сакаме да подобриме некои аспекти од договорот. За ова, ќе сториме сѐ, секако, поддржувајќи ја европската перспектива на сите земји од Западен Балкан, рече Пецас.

Би можело да ве интересира

Во Грција повлечен предлогот за криминализирање на богохулството

Земјотрес во Грција, почувствуван и во реонот на Битола

Лајчак: Силата на Европа сега влијае врз Западен Балкан

Акција на грчката полиција за празнење на објект под опсада

Ана Ололовска

Од Лезбос во Атина префрлени над 300 бегалци и мигранти

Ана Ололовска

Декларација за зајакнување на стратешката соработка меѓу Грција и Кина

Ана Ололовска